Қыз бала – ұлттың ұяты, халықтың шырайы
2025 жылдың 5 наурызы Талғар ауданы Белбұлақ ауылдық округінің №35 жалпы білім беретін орта мектебінде әл-Фараби атындағы Қазақ ұлттық университетінің "8D03104 Саясаттану" мамандығының 1 курс докторанттары "Қыз бала – ұлттың ұяты, халықтың шырайы" атты тәрбиелік жиналыс өткізді. Бұл шара БҰҰ-ның Тұрақты даму мақсаттарының (ТДМ) бірқатар бағыттарына, әсіресе №5 – Гендерлік теңдік, №4 – Сапалы білім, №3 – Сауатты өмір салты, және №10 – Теңсіздікті азайту мақсаттарына сай ұйымдастырылды. Іс-шара педагогика және білім берудегі менеджмент кафедрасынан аға оқытушысы М.Мырзагулова және Саясаттану кафедрасының аға оқытушысы Басыгариева Ж.А. басшылығымен өтті.
Кездесуге әртүрлі сала мамандары қатысып, өзекті тақырыптарды талқылады:
• Талғар ауданының жастар ресурстық орталығының психологы – отбасы мен қоғамның қыз бала тәрбиесіндегі жауапкершілігі жөнінде;
• Полиция қызметкері, аға лейтенант – заң және тәртіп мәселелері, жасөспірімдер қауіпсіздігі туралы;
• "Жанұя" орталығының қызметкері, қоғам қайраткері– ұлттық дәстүрлер мен құндылықтардың тәрбиедегі маңызы туралы;
Саясаттану мамандығының 1 курс докторанттары:
• Юсупова Меруерт – азаматтық қоғам мен еріктіліктің қоғамдағы рөлі жөнінде;
• Тлеугазина Диана – жоғары білім алудың маңыздылығы мен болашақ мүмкіндіктері туралы;
Бұл жиналыс қыз балалардың құқықтары, мүмкіндіктері және қоғамдағы рөлі туралы жан-жақты ақпарат беріп, олардың саналы таңдау жасауына бағыт-бағдар берді. Қатысушылар өмірлік маңызды тақырыптарды талқылап, өз ойларымен бөлісіп, пайдалы кеңестер алды.
Басқа жаңалықтар
